ਯੁਨੀਵਰਸਿਲ ਡਕਲੈਅਰੇਸ਼ਨ ਆਫ ਹਿਉਮਨ ਰਾਈਟਸ" ਦੀ 76 ਵੀਂ ਵਰੇਗੰਢ ਮੌਕੇ ਸੰਮੇਲਨ ਆਯੋਜਿਤ 

ਮਿਲਾਨ (ਦਲਜੀਤ ਮੱਕੜ) ਮਨੁੱਖੀ ਅਧਿਕਾਰਾਂ ਦੀ ਰਾਖੀ ਲਈ ਅੰਤਰਰਾਸ਼ਟਰੀ ਸੰਸਥਾਂ "ਯੁਨੀਵਰਸਿਲ ਡਕਲੈਅਰੇਸ਼ਨ ਆਫ ਹਿਉਮਨ ਰਾਈਟਸ" ਦੀ ਸਾਲਾਨਾ ਵਰੇਗੰਡ ਮੌਕੇ ਹਰ ਸਾਲ ਸਵਿਟਰਜਲੈਂਡ ਦੇ ਸ਼ਹਿਰ ਜਨੇਵਾ ਵਿਖੇ ਸੰਮੇਲਨ ਆਯੋਜਿਤ ਕੀਤਾ ਜਾਂਦਾ ਹੈ। ਇਸ ਸਾਲ 76ਵੀਂ ਵਰੇਗੰਢ ਮੌਕੇ ਵਿਖੇ ਹਿਉਮਨ ਰਾਈਟਸ ਦੇ ਮੁੱਖ ਦਫਤਰ ਵਿੱਚ ਹੋਏ ਸੰਮੇਲਨ ਸ਼ਾਂਤੀ, ਸ਼ਾਂਝਾਕਰਨ ਅਤੇ ਸ਼ਮੂਲੀਅਤ ਲਈ ਇਕਜੁੱਟਤਾ, ਵਿੰਭਿੰਨਤਾ ਇੱਕ ਸਰੋਤ ਦੇ ਵਿਸ਼ੇ ਤੇ ਗੱਲਬਾਤ ਹੋਈ। ਸੰਮੇਲਨ ਦੀ ਸ਼ੁਰੂਆਤ ਐਸੋਸੀਏਸ਼ਨ ਮਨੁੱਖੀ ਅਧਿਕਾਰ ਅਤੇ ਸ਼ਹਿਣਸ਼ੀਲਤਾ ਇਟਲੀ ਦੀ ਪ੍ਰਧਾਨ ਫਿੳਰੈਲਾ ਚਿਰਕਿਆਰਾ ਦੁਆਰਾ ਕੀਤੀ ਗਈ, ਉਹਨਾਂ ਉਪਰੰਤ ਡਾ. ਮੈਰੀ ਜੋ ਕਿ ਹਿਊਮਨ ਰਾਇਟਜ ਇੰਟਰਨੈਸ਼ਲ ਦੇ ਯੂਥ ਵਿੰਗ ਦੇ ਮੁੱਖੀ ਹਨ, ਉਹਨਾਂ ਆਪਣੇ ਵਿਚਾਰ ਸਾਂਝੇ ਕੀਤੇ। ਸੰਮੇਲਨ ਦੌਰਾਨ ਸਿੱਖੀ ਸੇਵਾ ਸੁਸਾਇਟੀ ਇਟਲੀ ਤੋਂ ਸ:ਜਗਜੀਤ ਸਿੰਘ ਅਤੇ ਸ:ਗੁਰਸ਼ਰਨ ਸਿੰਘ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ। ਸਿੱਖੀ ਸੇਵਾ ਸੋਸਾਇਟੀ ਵੱਲੋਂ ਸ:ਗੁਰਸ਼ਰਨ ਸਿੰਘ ਨੇ ਆਪਣੇੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਸਿੱਖ ਧਰਮ ਸਮੁੱਚੀ ਮਨੁੱਖਤਾ ਨੂੰ ਆਪਣੇ ਗਲੇ ਲਗਾਂਉਂਦਾ ਹੈ। ਉਹਨਾਂ ਲੰਗਰ ਦਾ ਵਿਸ਼ੇਸ਼ ਜਿਕਰ ਕਰਦਿਆ ਕਿਹਾ ਕਿ ਦੁਨੀਆ ਭਰ ਦੇ ਲੱਖਾਂ ਲੋਕ ਗੁਰਦੁਆਰਾ ਵਿਖੇ ਬਿਨਾ ਕਿਸੇ ਭੇਦ ਭਾਵ ਦੇ ਲੰਗਰ ਛੱਕਦੇ ਹਨ। ਉਹਨਾ ਦਸਤਾਰ ਬਾਰੇ ਦੱਸਦਿਆ ਕਿਹਾ ਕਿ ਦਸਤਾਰ ਸਾਰੇ ਸਿੱਖਾਂ ਵੱਲੋਂ ਸਨਮਾਨ, ਮਾਣ ਅਤੇ ਸਮਾਨਤਾ ਪ੍ਰਤੀ ਵੱਚਨਬੱਧਤਾ ਦੇ ਪ੍ਰਤੀਕ ਵੱਜੋਂ ਸਜਾਈ ਜਾਂਦੀ ਹੈ।ਉਹਨਾਂ ਦੱਸਿਆ ਕਿ ਹਰ ਸਿੱਖ ਆਪਣੀ ਅਰਦਾਸ ਸਰਬੱਤ ਦੇ ਭਲੇ ਲਈ ਕਰਦਾ ਹੈ।ਉਹਨਾਂ ਕਿਹਾ ਕਿ ਸਿੱਖ ਧਰਮ ਸਾਨੂੰ ਦਰਸਾਉਂਦਾ ਹੈ ਕਿ ਵਿਿਭੰਨਤਾ ਨੂੰ ਪਾਰ ਕਰਨ ਦੀ ਚੁਣੌਤੀ ਨਹੀਂ ਹੈ, ਸਗੋਂ ਗ੍ਰਹਿਣ ਕਰਨ ਦਾ ਸਰੋਤ ਹੈ। ਲੰਗਰ ਦਾ ਭਾਈਚਾਰਕ ਪਕਵਾਨ, ਸੇਵਦਾਰਾਂ ਦੀ ਨਿਰਸਵਾਰਥ ਸੇਵਾ, ਅਸਮਾਨਤਾਵਾਂ ਵਿਰੁੱਧ ਲੜਾਈ ਅਤੇ ਬਰਾਬਰੀ ਦਾ ਸਤਿਕਾਰ ਇਸ ਗੱਲ ਦੀਆਂ ਠੋਸ ਉਦਾਹਰਣਾਂ ਹਨ ਕਿ ਕਿਵੇਂ ਸੱਭਿਆਚਾਰ ਅਤੇ ਸਮਾਜ ਇੱਕ ਬਿਹਤਰ ਸੰਸਾਰ ਦੀ ਉਸਾਰੀ ਲਈ ਉਪਕਰਨ ਪੇਸ਼ ਕਰ ਸਕਦਾ ਹੈ।ਇਸ ਸੰਮੇਲਨ ਵਿੱਚ ਯੂਰਪ ਦੇ ਹੋਰ ਮੁਲਕਾਂ ਦੇ ਨਾਲ-ਨਾਲ ਪੂਰੇ ਵਿਸ਼ਵ ਭਰ ਤੋਂ ਪ੍ਰਮੁੱਖ ਸ਼ਖਸ਼ੀਅਤਾਂ ਪਹੁੰਚੀਆਂ ਸਨ।